30.10.2015
«Գյումրի» բժշկական կենտրոնի գործադրի տնօրեն Արմեն Իսահակայանի եւ անգիոգրաֆիայի ծառայության ղեկավար Կարեն Միքայելյանի նախաձեռնությամբ հրատարակվել է «Սրտի իշեմիկ հիվանդություն, կորոնարոգրաֆիա, ստենտավորում» հիվանդությունների համար նախատեսված հանրամատչելի ձեռնարկ-տեղեկատուն: Այս տեղեկատուի նպատակն է հասարակության համար առավել մատչելի դարձնել նշյալ հիվանդությունների ախտանիշները, բուժումը եւ սննդակարգը:
Հաշվի առնելով, որ «Կյանքի ստենտ» ծրագիրը մեկ տարվա պատմություն ունի հայաստանյան առողջապահության համակարգում, սա եւս նպատակահարմար քայլ է ազգաբնակչությանն իրազեկելու համար:
Նշենք, որ ձեռնարկ-տեղեկատուն տարածվում է անվճար: Առաջիկայում նախատեսվում են հանդիպումներ ո՛չ միայն Գյումրու, Շիրակի մարզի, այլեւ հարակից Լուռու, Արագածոտնի եւ Արմավիրի մարզերի առողջապահական կառույցների սրտաբանների հետ՝ փորձի փոխանակման նպատակով: Նշյալ բնակավայրերի բժշկական կենտրոններում եւս ձեռնարկ-տեղեկատուն կտրամադրվի անվճար:
Հոկտեմբերի 28-ին «Գյումրի» բժշկական կենտրոնի գործադիր տնօրեն Արմեն Իսահակայանը եւ անգիոգրաֆիայի ծառայության ղեկավար Կարեն Միքայելյանը վերոնշյալ ծրագրի շրջանակներում իրականացրել են առաջին հանդիպումը՝ Աշոցքի «Տիրամայր Նարեկ» հիվանդանոցի ղեկավարության եւ սրտաբանների հետ:
 |
 |
«Գյումրի» բժշկակակն կենտրոնի հասարակայնության հետ կապերի եւ լրատվության բաժին
